בעזרת ה' יתברך - יום ב' פרשת שמיני, כ"ב אדר ב', שנת תשפ"ד לפרט קטן
מרת ... תחי'
איך האב ערהאלטן אייער בריוו.
אלע ווערן נערוועז פון די סארט מענטשן וואס רעדן טאג און נאכט פון זייער שיינע שלום בית, און ווי נאנט זיי זענען אין ברסלב, און זיי פרעגן און מען ענטפערט זיי; איר זענט נישט די איינציגסטע וואס ווערט נערוועז, אלע ווערן נערוועז פון זיי, אבער איך בעט אייך, דאס זאל נישט מאכן קיין פיינטשאפט צווישן אייך מיט איר; מיט די שכל פון רבי'ן, וואס לערנט אונז אויס צו קוקן אויף יעדן איינעם מיט רחמנות - איז דא א וועג צו לעבן מיט יעדן איינעם.
זייט נישט מקנא - נישט איר און נישט קיינעם, קוקט מיט רחמנות אויף איר, זי איז א רחמנות, זי דארף אויפמערקזאמקייט; די אלע וואס דערציילן און רייצן אן אנדערע - די ווילן אטענטשן, די זוכן תשומת לב.
עס איז נישט וואר דאס וואס איר זאגט אז פאר אנדערע הייב איך די טעלעפאן און פאר אייך און אייער מאן נישט; איך ענטפער אלעמען גלייך, ווען איך האב צייט ענטפער איך אלעמען, און ווען איך בין פארנומען מיט די מוסדות אדער קהל'ישע זאכן - ענטפער איך נישט פאר זיי אויך נישט.
אז איר וועט רעדן צום אייבערשטן - וועט איר נישט ווערן אנטוישט; דער אייבערשטער ענטפערט אלעמען, דער אייבערשטער מאכט נישט קיין אויסנאם, מען דארף נישט קיין פראטעקציע, ווער עס קומט צו אים און בעט אים - ווערט געהאלפן, "קָרוֹב ה' לְכָל קֹרְאָיו", דער אייבערשטער איז נאנט צו יעדן איינעם וואס רופט אים, "לְכֹל אֲשֶׁר יִקְרָאֻהוּ בֶאֱמֶת", און נאך מער צו די וואס רופן אים מיט אן אמת (תהלים קמה, יח).
דער וואס גייט מיט די וועג פון רבי'ן, די וועג פון התבודדות ותפילה - דער לאכט זיך גוט אויס פון יעדן איינעם, ער באקומט מוחין דגדלות, ער איז מער קיינעם נישט מקנא און קוקט אויף יעדן מיט רחמנות.
דער אייבערשטער זאל העלפן איר זאלט האבן הצלחה אין אלע ענינים.