בעזרת ה' יתברך - יום ד' פרשת צו, י"ז אדר ב', שנת תשפ"ד לפרט קטן
לכבוד ... נרו יאיר
אינמיטן טאג זאלסטו אהיים רופן זיך אינטערעסירן וואס דיין ווייב מאכט און וואס די קינדער מאכן; עס מיינט זייער אסאך פאר די ווייב ווען דער מאן רופט אהיים און אינטערעסירט זיך.
איך וויל זייער זאלסט זיך פארבעסערן מיט דיין שלום בית, ווייל נאר מיט שלום בית קען מען זיין ערליך און הייליג, נאר מיט שלום בית קען מען זוכה זיין צו ריינקייט.
גיי אביסל שפאצירן און זיי זיך מתבודד, בעט דעם אייבערשטן עס זאל זיין שלום צווישן דיר און דיין ווייב, דו זאלסט נישט ווערן בכעס אויף יעדע קליינע זאך און חס ושלום נישט וויי טון דיין ווייב.
דער אייבערשטער זאל העלפן זאלסט האבן הצלחה אין אלע ענינים.