בעזרת ה' יתברך - יום ה' פרשת תצוה, שובבי"ם, י"ג אדר א', שנת תשפ"ד לפרט קטן
לכבוד מיין טייערער ... נרו יאיר, קרית ברסלב
ווארט, קויף נאכנישט קיין טיקעט פאר דעם קומענדיגן ראש השנה אין אומאן, איך בין היינט געזיצן מיט ... נרו יאיר, מען פרובירט מיט אלע וועגן צו מאכן א טשארטער פליגער גלייך קיין מאלדאווע, אויך ווילן מיר מאכן די טשארטער זאל פארן נעבן קרית יואל, נאנט צו אונזער שטעטל קרית ברסלב, עס זאל זיין גרינגער פאר די שטעטל איינוואוינער.
דער עיקר דארפן מיר מתפלל זיין מיר זאלן זוכה זיין צו קענען נאכאמאל זיין ביים רבינ'ס ראש השנה, קיין אומאן קומט מען מיט תפילה; נאר תפילה, מיט כיסופין, השתוקקות און רצונות, און תפילה פאר אלע אידן, אלע זאלן שוין מקורב ווערן צום נחל נובע מקור חכמה, לעבן מיטן אייבערשטן, לעבן מיט תשובה, לעבן מיט שמחה.
איך האף צום אייבערשטן צו וויסן ביז דריי וואכן ווען איך פאר, און ווי אזוי מיר וועלן פארן.