בעזרת ה' יתברך - יום ד' פרשת פקודי, ג' אדר ב', שנת תשפ"ד לפרט קטן
לכבוד מיין טייערער ... נרו יאיר
געב איבער א גרויסן דאנק פאר דיין ווייב פארן העלפן אונזערע מוסדות, זי העלפט זייער געטריי אין אפיס, מיר אלע זענען זייער צופרידן פון די ארבעט וואס זי טוט.
זע צו גיין יעדן טאג א שפאציר פאר א צוויי דריי מינוט ביי דיר אין פעלד, ארום דיין שטוב. הויב אויף דיינע הענט צום הימל און זאג:
"הייליגער באשעפער, איך געב זיך איבער צו דיר, איך געב דיר איבער מיין גאנצע טאג, אלעס וואס האט מיט מיר, מיט מיין ווייב און קינדער, אלע מיינע מחשבות, דיבורים און מעשים.
הייליגער באשעפער, העלף מיר די היינטיגע טאג זאל זיין מיט הצלחה, איך זאל נאר טון גוטס, איך זאל נאר טון דיין רצון".
די גאנצע טאג וועט דיר גיין מיט הצלחה, עס איז גאר אנדערש ווען מען געבט זיך איבער צום אייבערשטן.