בריוון פונעם ראש ישיבה שליט"א

#1 - פארברענג מיט דיין ווייב אינדערהיים, וועט דיר גוט זיין
שלום בית, חברים

בעזרת ה' יתברך


יום ה' פרשת פנחס, כ"ב תמוז, שנת תשע"ח לפרט קטן


 


לכבוד ... נרו יאיר


איך בעט דיר זייער: "לאז דיר אפ פון ..."; דו האסט א טייערע ווייב וואס וויל רעדן מיט דיר און פארברענגען מיט דיר. ער האט נישט קיין ווייב דערפאר זוכט ער ווי ער קען ארויס שלעפן אינגעלייט פון זייער שטוב פארברענען די נעכט; ער איז א וואוילער אינגערמאן אבער דו קענסט נישט אוועק לייגן דיין שטוב וועגן אים.


דיין ווייב וויל מיט דיר פארברענגען, זי ווארט אויף דיר. וויפיל קען זי זיך בעטן ביי דיר: "קום אהיים"?! זי וויל נישט זיין דיין משגיח און 'פאליס לעדי', זי וויל דיר נישט נערוועז מאכן מיטן דיך מוטשען: "וואו ביסטו?" "ווען קומסטו?" אבער זי איז פול מיט ווייטאג. זי וויל מיט דיר פארברענגען; זי האט דיך ליב און זי קוקט דיר ארויף.


דו דארפסט נישט זוכן מיט וועם צו פארברענגען ביינאכט; די אלע וואס דרייען זיך ביינאכט אויפן גאס זענען בדרך כלל מענטשן וואס האבן נישט קיין שטוב. אדער זענען זיי גע'גט לא עלינו, אדער האלטן זיי פאר א גט וכו'.


איך האף אז דו וועסט אנהייבן אהיים קומען ביינאכט און זיין מיט דיין ווייב און קינדער, וועט דיר גוט זיין אויף די וועלט און אויף יענע וועלט.


זיי ממשיך מיט דיינע שיעורים; איך האב הנאה יעדעס מאל ווען דו דערציילסט מיר א סיום משניות אדער א סיום מסכתא.


דער אייבערשטער זאל העלפן זאלסט מצליח זיין אין אלע דיינע וועגן.